Wednesday, December 19, 2007

波風湊 + 漩渦九品 = 漩渦鳴人

在網上看了最新一回Naruto "Ch.382 - 真正的選擇"... 終於知道邊個係漩渦鳴人Naruto嘅父母... 佢父母係波風湊(第四代火影)和漩渦九品... 其實之前我都猜到少少, 不過唔肯定... 謎底終於揭開啦! 不過為什麼Naruto跟母親姓?

怪不得Naruto那麼愛吃拉麵... 佢個名就係自來也吃拉麵時想出來嘅... 係自來也小說嘅主角... 波風湊和漩渦九品祈望鳴人好似自來也小說嘅主角一樣... 能夠:
  • 說到做到
  • 永不放棄


大蛤蟆仙人曾預言給自來也... 自來也會成為一個優秀嘅忍者... 之後還會收一個獨當一面的弟子... 那個弟子將來會給忍者界帶來重大變革... 給予世界安寧或毀滅的變革...


最後自來也証實咗Naruto就係預言之子... 其實係唔係預言之子都一樣... 從之前嘅漫畫我哋都知道Naruto有一種不可思議的力量... 可以改變別人和未來...
Examples:
  • Naruto把我愛羅改變了... 後來做了風影
  • 綱手為了Naruto再賭一次... 做了第五代火影
  • Naruto改變了沙忍嘅千代婆婆... 千代婆婆為我愛羅犧牲了性命... 在死前把未來托付給Naruto
  • etc.

不過最可惜係自來也就嚟死... 雖然自來也成日都色咪咪, 但好好笑... 如果佢死咗就沒人再搞笑... Naruto大個仔啦 ! 不能好似以前那麼白痴囉...

哈哈哈哈... Naruto都祝聖誕節... 哈哈哈哈...


無無聊聊

無無聊聊又一日... 點解? 因為放緊假囉... 昨天去咗Christmas shopping... 今天唔想出街... 留响屋企... 本來有好多嘢要做... 但太懶... 唔想做... 想起好耐冇寫過blog... 依家再唔寫... 可能要等到明年... 唉! 我都一個多月冇寫啦... 呢排工作好忙... 忙到放緊假都check住blackberry reply emails... 我唔係天生工作狂... 只係有責任心啫... 哈哈哈哈哈哈...

寫乜嘢好呢?
就交代吓近况啦... 從十一月中開始就病了... 到現在還未完全康復... 好咗七成左右... 醫生話可能會病三個月... 現在一個月就好咗七成... 醫生都話我好得快... 不過最慘係沒藥食 (止痛藥不算)... 要靠自己抵抗力好... 唉! 真可憐...

聖誕節就到啦!
同大家講聲 "Merry Christmas and Happy New Year!!!"


P.S. 好耐無用口語化寫嘢... 真麻煩! 寫咗好耐...